KRÍA BLOG
SPECIALIZED SETUR ENDURVINNSLUNA Í GANG

SPECIALIZED er komið í samvinnu við einn stofnanda TESLA, JB Straubel, fyrrverandi tæknistjóra fyrirtækisins. Fyrirtæki hans REDWOOD sem sérhæfir sig í endurvinnslu á rafhlöðum mun í lok árs 2021 taka á móti öllum gölluðum eða ónýtum rafhlöðum úr Specialized hjólum. Rafmagnsúrgangur vex veldisvísislega í heiminum í dag og rafmagnshjól hafa margfaldast í sölu á síðastliðnum árum og t.a.m. seldust meira en hálf milljón í Hollandi árið 2020. Specialized vill taka ábyrgð á sínum skerf rafmagnsúrgangsins og er markmiðið að lágmarka úrgang úr rafhlöðunum hjólanna sem endast u.þ.b. 4-6 ár. Specialized mun gera samninga við söluaðila sína um að senda rafhlöðurnar sínar til Redwood sem er með verksmiðjuna sína í Nevada og sérhæfir sig í endurvinnslu rafhlaða og hefur unnið fyrir fyrirtæki á borð við Nissan og Amazon. 
Specialized mun koma á fót sambandi við söluaðilia sína til þess að safna saman rafhlöðum sem hafa skemmst eða klárað sína síðustu hleðslu. Einnig munu notendur fá upplýsingar um hvernig og hvert þeir geti skilað rafhlöðunum sínum í gegnum appið Specialized Mission Control, sem getur tengst öllum rafhjólum frá Specialized en þar fá notendur líka upplýsingar um það hvenær þurfi að mæta með hjólin í uppfærslu ásamt því að þar er hægt að nálgast ýmsar aðrar hentugar upplýsingar um hjólin og ferðir þeirra.
Mike Sinyard, forstjóri Specialized, vildi vinna með Redwood, þar sem það er bandarískt fyrirtæki og gegnsæi er í forgrunni í vinnslu þess, í stað þess að senda rafhlöðurnar til þróunarlanda þar sem öryggi starfsfólks er ekki gætt með besta hætti. Markmiðið er að minnka vandamálið í stað þess að stækka það. 
Hægt er að lesa grein The Verge um málið hér 

 

 

 

 

Frí heimsending á höfuðborgarsvæðinu

Vegna þeirra aðstæðna sem upp eru komnar í heiminum höfum við ákveðið að bjóða uppá fría heimsendingu á ákveðnum vörum á höfuðborgarsvæðinu. Við getum afgreitt sumt í gegnum netverslunina okkar. Hins vegar verðum við að biðja viðskiptavini sem hugsa sér að kaupa reiðhjól fyrir meira en 200.000 kr. að hafa samband við búðina í síma 5349164 og þá er hægt að leggja inná okkur fyrir borguninni eða borga í gegnum síma með Visa. Þar sem að ekki er búið að búa til bókhaldslausn sem leysir vandamálið að borga virðisaukaskatt af hluta heildarverðs.

Við tökum varúðarráðstöfunum Almannavarna alvarlega og höfum byrjað að sótthreinsa algenga snertifleti í búðinni oft á dag, almenn þrif í versluninni hafa verið aukin og hertari hreinlætisreglur. Ennþá er hægt að prófa hjól og við bjóðum uppá aðstöðu til þess að þvo á sér hendurnar og einnota hanska fyrir þá sem vilja.

Opnunartímar okkar eru ennþá þeir sömu enn sem komið er og þangað til annað kemur í ljós.

Við óskum öllum góðs gengis á þessum óvissutímum. Förum eftir fyrirmælum yfirvalda og förum varlega, við komumst í gegnum þetta saman.

Virðisaukaskattslækkun á hjólum

Núna um áramótin tók í gildi lagabreyting á virðisaukaskatti reiðhjóla og rafmagnsreiðhjóla sem leiðir til þess að öll hjól í Kríu eru allt að því 20% ódýrari heldur en fyrir áramót.

Öll reiðhjól undir 250,000 kr. eru nú virðisaukaskattslaus en hjól sem eru dýrari innihalda aðeins virðisaukaskatt af umframverði þessara 250,000 króna. Sömu sögu er að segja um rafmagnsreiðhjól nema þar er markið hærra eða tæpar 500,000 kr. sem eru undanskildar virðisaukaskatti. Þar með falla allt að því 96,000 kr. af rafmagnsreiðhjólum til 31. desember 2023.

Lækkaðu kolefnisfótsporið þitt 2020 og fáðu þér umhverfisvænni fararskjóta á betra verði.

Svartur föstudagur

Við tökum þátt í svörtum föstudegi og bjóðum uppá ómótstæðilegan 50% afslátt á MAAP fatnaði, 50% af Wahoo hjólatölvu og 40% af nokkrum vel útvöldum hjólum.

Frí heimsending á höfuðborgarsvæðinu